Tidspunkt: tysdag 22.april kl 13.00 - søndag 27. april.

 

Kursavgift: 8100 kr ved påmelding innan 1. mars. Ved påmelding etter 1. mars gjeld 8600 kr. Festmiddag laurdag, alle måltid elles, kaffi, te og pausemat inkludert i kursavgifta. 30% i studentrabatt (under 26 år). Ta med kopp.

Kursstad: Laftehallen på Hjerleid. Registrering i Gulbygget frå kl 12.00.

Lærar: Rolf Morten Hosarøygard frå Dovre Handverksenter.

​

Variert erfaringsgrunnlag 

Vi tek sikte på å tilrettelegge opplegg og teori til dei ulike deltakarnivåa. Innspel og ønskje frå deltakarane om teknikkar vil bli teke omsyn til. Øvde deltakarar vil få prøve seg breitt. Målet er at alle skal ha godt utbytte av kurset.

 

Organisering

Kurset har ein hovudinstruktør og bistand frå lærlingar etter behov.  

Kurset blir organisert i utgangspunktet med ei teoretisk innleiing (maks ein skuletime), og resten av dagen praksis med teoretiske innslag. Ramma rundt blir servering av måltid og foredrag på kveldstid.

​

Mål for kurset

Kurset skal gje kunnskap om den generelle utviklinga av laftet frå middelalder og fram til i dag, utsjånad (laft, hals, hovud, tverrsnitt av tømmer), arbeidsteknikkar, verktøytypar og verktøybruk. Vidare må målet vera å lære seg gode arbeidsteknikkar, laftebyggets jamvekt og struktur, samt tekniske løysningar bygningsretta.

 

Fagleg innhald

Kurset vil i hovudsak gje praktisk innføring i ein lafteteknikk (barkelaft på kanta tømmer), men det vil og vera mogleg å prøve andre teknikkar som kverknov, kamlaft, sinklaft, rannknut, skorolaft, rævskorolaft og Finndalslaft.

Teknikkane kan utøvast på til dømes kanta (saga) tømmer, rundtømmer, ovalt tømmer.

Det er og moglegheit for å lafte åsar, ry/telje tømmer med øks, felle inn ulike typar beiteskier og raftsperrer.

​

Teoretisk og/eller praktisk gjennomgang av

• oppstart av hus (fyrste omfar)

• tømmer (treslag, kvalitet, behandling, osv)

• takkonstruksjonar på lafta hus

• lafteverktøy

• kvessing av verktøy

• beiteskier/vindauge- og døropningar i tømmerhus

• taktekking

• innsetting og montering av vindauge og dører

• overflatebehandling av tømmerhus

 

Generelt

Ta gjerne med deg «favorittøksa» di, samt relevant lafteverktøy som meddrag, passar, tommestokk og blyant, vater, fargesnor, huggjern, klubbe, navar, smaløks, andre økser, handsag, bandkniv, skjøve, høvel (okshøvel, langhøvel, rubank), osv. Ta med verneutstyr (hørselvern, briller, vernesko og vernebukse for dei som vil prøve motorsag)

 

Meir informasjon

For spørsmål: 
Ragnhild Angard: +47 959 98 409, ragnhild@hjerleid.no