Tidspunkt: Måndag 26.april, kl.9.00 –torsdag 29.april kl. 16.00 2021
Kursavgift:  kr.4 600,- Alle måltid + drikkekopp i tre er inkludert i kursavgifta.
30% i studentrabatt
Kursstad: Bygningshistorisk park

Kursinnhald: 

-kursdeltakerar skal få ei innføring i starten på å leggje eit villhelletak.

-lære å leggje lekter for steinen.Det er storleiken på skiferhellene som bestemmer dette.

-lære å rette opp kantane på hellene som ein skal starte med, bore eller stemple hol for spikar.

-transportere stein opp på taket.

-hellene skal tilpassast kvarandre.

I løpet av kurset vil ein prøve å få fullført tekkinga på eit lite hus i tørrmur. Kurset skal gje kunnskap om å leggje eit tradisjonelt skifertak.Målet er å lære seg gode arbeidsteknikkar og bruk av rett verkty/reiskap til å bearbeide steinen.Tileigne seg forståing for steinens struktur, lære å vurdere steinens fiberretning, slik at steinen blir kutta riktig.

​

Innhaldet i kurset vil basere seg på opparbeidd kunnskap formidla av kurslærar gjennom mange års arbeid med taktekking og bearbeiding  av stein, lært av andre tradisjonsberarar.
 

​Kurslærar: Arne Letrud

​

Utstyr:

Ta med verneutstyr og vernesko, hanskar og arbeidsklede.

​

Kurskriterier​

• Kursinnhaldet er med atterhald om mindre endringar

• Ved påmelding får deltakaren ei stadfesting og ein velkomst-e-post

• Påmeldingsfrist og siste dag for å melde seg av er fredag 25. mars

• Etter frist for å melde seg av, må kursavgifta betalast

• Kursarrangør returnerer 100 % av kursavgifta ved legeattestert sjukemelding.

• Deltakar må sjølv halde skadeforsikring som dekkjer eventuelle skader under kurset. Arrangør har inga forsikring for deltakarar.