Tysdag 22. april kl 13.00 - torsdag 24. april kl 17.00.​

Ca 20 timar.

Kursavgift: 4500 kr ved påmelding innan 1. mars. Ved påmelding etter 1. mars, gjeld 5000 kr. Festmiddag laurdag, alle måltid elles, kaffi, te og pausemat inkludert i kursavgifta. Ta med kopp.
30% i studentrabatt

Kursstad: Hjerleid håndverksskole. Registrering i Gulbygget.

 

Lærar: Hege Iren Aasdal.

Hege Iren har i mange år jobba med fleire typar tradisjonelle korger i prosjekt gjennom Norsk Håndverksinstitutt. I 2020-2023 hadde ho eit stipendiat for Norsk Håndverksinstitutt, der ho har fordjupa seg spesielt i korger i splitta material. 

​​

Mål: lære å splitte og bearbeide material for hand og lagar alt vyrkje til eigne korger.

​​​

Sponkorg i høvla spon

Vi flettar korg i maskinhøvla spon. På denne korga skal vi lage kantar i rive spon, med handtak for dei som ønskjer det. Det går raskt å flette med høvla spon, men å rive spon til kantar krev meir tid. Det gjer til gjengjeld korgene stabile og haldbare! 

 

I Norge har det tradisjonelt vore laga mange forskjellige typar korger i splitta material. Sponkorger av furuspon har det vore lange tradisjonar for over store delar av landet.  Sponkorger har vore laga både i rive spon og seinare høvla spon. De i to typane har ganske forskjellige kvalitetar, men tar utganspunkt i same materiale. 

Bearbeidinga av rive furuspon blir gjort for hand, med kniv og eventuelt ein høvel. Med høvla spon, derimot, høvlar du enten med ein handhøvel eller maskinell høvel. 

Deltakarane vil lære å splitte og bearbeide materiale for hand og lager alt materiale til kantane og forsterkningane til eigne korger. ​

 
Utstyr:

Deltakarane må ta med kniv, hanskar, gode arbeidsklede, eventuelt forkle og hagesaks (vi har til utlån og sal).

​​